Tema:Problematika e qenëve dhe maceve endacake në Shqipëri Marcela Tafaj
Gjimnazi"Kostandin Kristoforidhi" Tiranë
"Madhështia dhe përparimi moral i një kombi mund të gjykohet nga mënyra se si i trajton kafshët" Mahatma Gandhi
Kështu janë kapur dhe vrarë nga Bashkia
e Tiranës qentë e rrugës.E bëni dot ndryshimin sa qenë e mace kishteTirana deri para
5 vitesh?Ku u zhdukën këto kafshë? Kush i mori? Prej vitit 2015 vazhdon
misioni i shpëtimit të kafshëve endacake në vendin tonë. Një nisme krejtësisht personale ,ju bashkuan mbi 50 vullnetarë kafshëdashës .Vetëm grupi ynë kishte në gjithë vendin miqtë e kafshëve ,për të shpëtuar të pambrojturit e
të uriturit.
Ne mënyrë amatoriale ,por me dashuri e dhembshuri të madhe filloi misioni ynë i shpëtimit
të kafshëve të braktisura dhe atyre që ishin prej vitesh të lindur në rrugë.U mblodhëm dhe bëmë protesta të vazhdueshme, dhamë intervista në televizione të ndryshme ,shkuam në emisione, pa fonde e me një buxhet
minimal për të kuruar ato kafshë që ishin të lënduar nga aksidentet apo nga vetë njerëzit fillimisht. Deri tek ushqyerja, sinjalizimi i rasteve në rrjete
sociale, strehimi i përkohshem nga vetë ne dhe kërkimi i pareshtur për familje
adoptuese.
U krijua më pas një grup
vullnetarësh nën emrin "Të bashkuar për mbrojtjen e kafshëve në Shqiperi". Grup me te
cilin ndërveprohet ende për sinjalizime,transport në klinika,pagesa e
mjekime, strehimi në shtepite tona, sterilizimi deri tek procesi final,gjetja
e familjes adoptuese dhe transporti deri në adresën birësuese.Mbështetje të madhe kemi patur dhe kemi
nga organizata EMPA në ltali për pjesën e adoptimit apo strehimit në kanile në ltali.
Gjithashtu një mbështetje e madhe ka qenë nga Sazan Guri
me lobim dhe protesta në televizion dhe mbështetje të madhe kemi patur edhe nga shume personazhe publike në protestat tona ,siç jane: Besa Kokdhima, Roza Lati,Marjana Kondi etj.Thirra jonë si animalistë është:
-
Sterilizimi,jo vrasja e tyre.
-
Hapja e një strehe shtetërore.
- Vendosja e ligjeve për mbrojtjen kafshëve .
Këto tre pika janë plaga
e shoqërisë sonë në lidhje me tematikën e kafshëve.Pasi kur lidhen zinxhirët me njera-tjetrën nëse njëra hallkë këputet ,nuk plotesohet, bie poshtë dhe tjetra. Ndërgjegjësimi publik për
mos lëndimin e tyre as nga banorët e zonave e as nga shteti eshte hapi i parë që duhet ndjekur. Askush nuk ka të drejtë të marrë jetë!Kjo arrihet me ligj pikë së pari dhe çdo kush të jetë i vetëdijshëm për dënimin që pason në rast lëndimi dhe me një lobim ndërgjegjësues në media.Shifrat tona të shpëtimit arrijnë mbi 3000 qen e mace të dërguara për adoptim në ltali,Gjermani, SHBA etj.
Unë personalisht bashkë me time motër kemi kuruar dhe dërguar me paratë tona mbi 130 qen dhe mace në ltali.E me qenë se kërkohen sa më shumë njerëz në këtë mision, ajo që ka sakrifikuar dhe ushqimin e saj në pushimin e drekës dhe ka lënë orët e mesimit në universitet, duke vrapuar pas sinjalizimeve për qen të rrahur,të shtypur nga makina, të plagosur nga ndeshje të jashteligjshme me kafshë të tjera ,eshte motra ime. E kush nuk e njeh në Tiranë "Evën e kafshëve" ?Mjafton një kërkim i thjeshtë në googl e të tregon gjithçka për të .Por vetëm një nuk mjafton!Prandaj bëjmë thirrje të vazhdueshme për ndërgjegjësimin qytetar, pasi një jetë e shëndetshme është pa kafshë në rrugë. Kafsha e plagosur dhe e uritur bëhet burim incidentesh dhe infeksionesh, kjo është dhe në dobinë tonë.Taksat tona u takojnë edhe kafshëve, prandaj duhet që me ngulm të kerkojmë krijimin e një strehe shtetërore dhe kjo temë të mos zvarritet më!Vetëm nisma vullnetare nuk mjafton,duhet dora e Shtetit të së Drejtës!
"Mund ta njohësh zemrën e një njeriu nga mënyra se si i trajton kafshet !"Emanuel Kant
Në foto-galerinë e më poshtme janë disa nga qentë e shpëtuar së fundmi dërguar dhe adoptuar në ltali në familje që i duan ato.
Comments
Post a Comment