Shkolla"Adem Bedall"Peqin
Ese:-Muzika shqiptare në vitet 60-80,muzika e zërave
brilant dhe e perlave muzikore .
Kam dëgjuar
shpesh prindërit e mi të flasin plot passion për muzikën shqiptare të viteve
60-80.Një muzikë,siç shprehen ata ,të kënaqte veshin dhe të bënte ta dëgjoje me
ëndje.Me fillimin e festivaleve në vitin 1962 muzika e lehtë shqiptare filloi
të marri një fizionomi dhe ishte një gjë që evidentohej. Duke qenë dhe
konkurrenca, e bëri shumë më të rëndësishëm festivalin e fundvitit, i cili
solli një sasi të madhe këngësh, të cilat filluan të bëhen pronë e popullit
shumë shpejt, duke filluar që nga “Lemza” që i takon vitit 1962, ose kënga
“Fëmija i parë”, “Valsi i Lumturisë”, këngë të cilat edhe pse kanë kaluar shumë
dekada akoma dhe sot e kësaj dite qëndrojnë dhe janë më se të pranueshme tek
njerëzit. Muzika e lehtë e këtyre viteve
kishte cilësi të lartë, por kishte dhe këngëtarë të cilët ishin të
specializuar në këtë gjini, dhe në piedestal ishte Vaçe Zela, por kishim dhe
Anita Taken, Qemal Kërtushën, si dhe shumë emra të tjera që i takojnë brezit
deri në festivalin e 10, pasi më pas kënduan Tonin Tërshana, Alida Hisku, Irma
Libohova, Ema Qazimi etj, pra u shtuan këngëtarët dhe iu bashkëngjitën plejadës
së parë. U bënë shumë këngëtarë, të cilët e meritonin të quheshin të tillë. Ata
këndonin këngën dhe të nesërmen e festivalit njerëzit fillonin të këndonin ato
këngë , madje kishte të apasionuar që mbanin shënim edhe fjalët e këngëve. Pra
kënga fillonte dhe përcillej, dhe një ditë pas festivalit Tirana mbushej me
këngët e tij. Publiku kishte një interes të jashtëzakonshëm në ato vite.
…e
biseda e prindërve të mi vazhdon…Sot këngës
së lehtë shqiptare i mungon fjala,i mungon tabani popullor.Të mos flasim pastaj
për melodinë merr një pjesë këtu dhe një atje ..për të ardhur vërtet keq.... Paraqitja e jashtme është një fasadë e shëmtuar
e asaj që këngëtari duhet të përcjelli në skenë.Vitet 60-80 do të mbahen mend për
bukurinë e vargut dhe vijën melodike me
plot gojën shqiptare.
Kemi
festivalet plot sot ,por fatkeqësisht shumë pak këngë mbahen mend,shumë pak zëra
këndojnë .Këngët “Për ty Atdhe “,“Nën kurorën e ullirit”,”Udhët e atdheut më thërrasin”, “Vajzat e fshatit tim”,”Rrjedh në
këndë e ligjërime”,”Pragu i vegjëlisë”janë disa nga perlat e muzikës shqiptare të cilat në çdo kohë që këndohen të
emocionojnë,të mbushin sytë me lot... Kush ka lindur në këtë vend,rrënqethet
i tëri sa herë i dëgjojmë këto këngë nga i madhi Mentor Xhemali,Gaqo
Cako,Myfarete Laze….
Sot….paaftësia për të kënduar live,
paaftësia vokale, profesionale, emocionale është e dukshme ngado që hedh
shikimin. Sot kemi melodi të konservuara, melodi të gjetura me stërmundim,
melodi të arnuara dhe nuk kemi një llogjikë të melodive nga ana profesionale të
kompozitorëve,pra sot nuk ka shpirt në muzikë. …
Prindërit e mi kanë të drejtë .. Muzika shqiptare në vitet 60-80,muzika e
zërave brilant dhe e perlave muzikore .
Punoi:Rumeisa Bashvogli
Comments
Post a Comment